வவுனியா ‘கெத்து பசங்க’ என்ற வட்ஸ்அப் குழுவை சேர்ந்த நான்கு பேரை விசேட அதிரடிப்படையினர் கைதுசெய்துள்ளனர்.
பூவரசங்குளம், தட்டான்குளம், செட்டிகுளம் ஆகிய பகுதிகளில் வன்முறைகளை ஏற்பாடு செய்த குழுவினரே இவ்வாறு கைதாகியுள்ளனர்.
சுற்றிவளைப்பு
விசேட அதிரடிப்படை வவுனியா முகாம் அதிகாரிகளுக்கு கிடைத்த தகவலின் பிரகாரம்,நேற்று சுற்றிவளைப்பு மேற்கொள்ளப்பட்டு சந்தேகநபர்கள் கைதுசெய்யப்பட்டுள்ளனர்.
கடந்த 5ஆம் திகதி பூவரசங்குளம் பொலிஸ் பிரிவில் கைதுசெய்யப்பட்ட சந்தேக நபரிடம் மேற்கொள்ளப்பட்ட விசாரணைகளின்போது கிடைத்த தகவலின்படி, பூவரசங்குளம், தட்டான்குளம், செட்டிக்குளம் ஆகிய பகுதிகளில் இயங்கிவரும் ‘கெத்து பசங்க’ என்ற வட்ஸ்அப் குழு தொடர்பில் தகவல் வெளியான து.
அதனையடுத்து உடனடியாக செயற்பட்ட அதிகாரிகள் நால்வரை 4 கையடக்கத் தொலைப்பேசிகளுடன் கைதுசெய்து, மேலதிக விசாரணைகளுக்காக பூவரசங்குளம் பொலிஸ் நிலையத்தில் ஒப்படைத்துள்ளனர்.
