அமெரிக்கா – ஈரான் இடையே உச்சக்கட்ட போர் பதற்றம்!!
3 ஈரான் எண்ணெய் கப்பல்கள் மீது அமெரிக்கா தாக்குதல்;
திருப்பித் தாக்குவோம் என தெஹ்ரான் எச்சரிக்கை!
மத்திய கிழக்கில் அமெரிக்கா மற்றும் ஈரான் இடையேயான மோதல் தீவிரமடைந்துள்ள நிலையில், அமெரிக்க கடற்படை போர்க்கப்பல்களை குறிவைத்து ஈரான் நடத்திய பாலிஸ்டிக் ஏவுகணை தாக்குதலுக்கு பதிலடியாக,
ஈரானிய புரட்சிகர காவல் படையுடன் (IRGC) தொடர்புடைய மூன்று எண்ணெய் டேங்கர் கப்பல்களை அமெரிக்க படைகள் தாக்கி அழித்துள்ளதாக அமெரிக்க மத்திய கட்டளைப் பீடம் (CENTCOM) அறிவித்துள்ளது.
முக்கிய தகவல்கள்: அமெரிக்காவின் தாக்குதல்:
2026 செப்டம்பர் 5ஆம் திகதியன்று, சர்வதேச கடல் பகுதியில் ரோந்துப் பணியில் ஈடுபட்டிருந்த அமெரிக்காவின் விமானம் தாங்கி போர்க்கப்பல்
மற்றும் ஏவுகணை நாசகாரிக் கப்பல் மீது ஈரான் ஏவுகணைகளை வீசி தாக்குதல் நடத்தியது. அமெரிக்க கப்பல்கள் இத்தாக்குதலில் இருந்து தப்பியதைத் தொடர்ந்து, பதில் நடவடிக்கையாக
கார்க் தீவு (Kharg Island), ஜாஸ்க் (Jask) மற்றும் ஓமன் வளைகுடா பகுதிகளில் இருந்த ஈரானின் 3 பிரதான கச்சா எண்ணெய் கப்பல்களை அமெரிக்க படைகள் தாக்கி செயலிழக்கச் செய்தன.
பல பில்லியன் டொலர் மதிப்பு:தாக்கப்பட்ட கப்பல்கள் ஈரானிய புரட்சிகர காவல் படைக்கு நிதி திரட்டும் பல பில்லியன் டொலர் மதிப்புடைய நிழல் வணிக வலையமைப்பைச் (Shadow network) சேர்ந்தவை என அமெரிக்கா தெரிவித்துள்ளது.
ஈரானின் கடும் எச்சரிக்கை:
அமெரிக்காவின் இத்தாக்குதலை அடுத்து, அமெரிக்க ஜனாதிபதி டொனால்ட் டிரம்பின் நிர்வாகத்திற்கு ஈரான் நேரடி எச்சரிக்கை விடுத்துள்ளது.
“இனி மத்திய கிழக்கு கடற்பரப்பில் உள்ள அனைத்து அமெரிக்க போர்க்கப்பல்களும் எங்கள் இலக்குகளே” என எச்சரித்துள்ள ஈரான் ராணுவம்,
ஈரானுக்கு எதிரான நடவடிக்கைகளில் ஈடுபடும் அமெரிக்க கூட்டணி நாடுகளின் கப்பல்கள் மீதும் கடுமையான தாக்குதல்கள் நடத்தப்படும் என அறிவித்துள்ளது.
மீண்டும் ஏவுகணை ஏவுதல்: பதிலடி நடவடிக்கையாக, ஹார்முஸ் நீரிணை வழியாக செல்லும் கப்பல்கள் மற்றும் அமெரிக்க பாதுகாப்புடன் செல்லும்
கப்பல்களை நோக்கி கப்பல் எதிர்ப்பு ஏவுகணைகளை ஈரான் மீண்டும் ஏவி வருவதாக ஆரம்பக்கட்ட தகவல்கள் தெரிவிக்கின்றன.
ஹார்முஸ் நீரிணைப் பகுதியில் ஏற்பட்டுள்ள இந்த மோதலால் சர்வதேச சந்தையில் கச்சா எண்ணெய் விநியோகம் மற்றும் விலை நிலவரத்தில் பெரும் தாக்கம் ஏற்படக்கூடும் என அஞ்சப்படுகிறது.
