கிளிநொச்சியில் அரசாங்க அதிபருடன் யாழ் பாதுகாப்பு படைத்தளபதியின் உத்தியோகபூர்வ சந்திப்பு..
கிளிநொச்சி, ஏப்ரல் 07 – யாழ்ப்பாண பாதுகாப்பு படை தலைமையகத்தின் 35வது தளபதியாக கடமைகளை பொறுப்பேற்ற மேஜர் ஜெனரல் கே.ஜே.என்.எம்.பீ.கே. நவரத்ன அவர்கள், இன்று கிளிநொச்சி மாவட்டச் செயலகத்திற்கு உத்தியோகபூர்வ விஜயம் மேற்கொண்டார்.
இவ்விழாவின் போது, அவர் கிளிநொச்சி மாவட்ட அரசாங்க அதிபருடன் முக்கிய சந்திப்பொன்றை மேற்கொண்டார். இந்தச் சந்திப்பில், மாவட்டத்தின் தற்போதைய பாதுகாப்பு நிலைமை, பொதுமக்கள் நலன் மற்றும் அபிவிருத்தி நடவடிக்கைகள் குறித்து விரிவான கலந்துரையாடல் நடைபெற்றது.
மேலும், மாவட்டத்தில் முன்னெடுக்கப்பட்டு வரும் அபிவிருத்தித் திட்டங்களுக்கு பாதுகாப்பு படையினரின் ஒத்துழைப்பை வலுப்படுத்துதல், அவசர நிலைமைகளில் ஒருங்கிணைந்த செயல்பாட்டை மேம்படுத்துதல் ஆகியவை தொடர்பாகவும் கருத்துக்கள் பரிமாறப்பட்டன.
இச்சந்திப்பில் மாவட்ட மேலதிக அரசாங்க அதிபர், அனர்த்த முகாமைத்துவ உதவிப் பணிப்பாளர் உள்ளிட்ட அதிகாரிகள் மற்றும் பாதுகாப்பு படை பிரதிநிதிகள் கலந்து கொண்டனர்.
