சுவிஸ் போஸ்ட் பஸ் தீ விபத்தில் உயிரிழந்த ஆறு பேர் மற்றும் காயமடைந்த ஐந்து பேர் உட்பட அனைவரும் அடையாளம் காணப்பட்டுள்ளனர்.
ப்ரிபோர்க் கன்டோனல் பொலிசார் இதனை அறிவித்துள்ளனர்.
சந்தேகத்திற்குரிய குற்றவாளியும் இறந்தவர்களில் ஒருவர். அவர் சமூக ரீதியாக தனிமைப்படுத்தப்பட்ட மற்றும் மனரீதியாக நிலையற்ற 65 வயதுடையவர் என்றும், சுவிஸ் நாட்டவரான அவர் பெர்ன் மாகாணத்தில் வசிப்பவர் என்றும், வேண்டுமென்றே தன்னைத்தானே தீ வைத்துக் கொண்டார் என்றும் பொலிசார் தெரிவித்துள்ளனர்.
பஸ் ஓட்டுநரும் தீயில் இறந்தார். அவர் போர்த்துகீசிய வம்சாவளியைச் சேர்ந்த 63 வயது நபர். இறந்த மற்றவர்களில் 25 மற்றும் 39 வயதுடைய இரண்டு பெண்களும், 16 மற்றும் 29 வயதுடைய இரண்டு ஆண்களும் அடங்கியுள்ளனர். இவர்கள் அனைவரும் சுவிஸ் நாட்டவர்கள் மற்றும் அப்பகுதியைச் சேர்ந்தவர்கள்.
காயமடைந்தவர்களும் அடையாளம் காணப்பட்டுள்ளனர். அவர்கள் 34 மற்றும் 61 வயதுடைய இரண்டு ஆண்கள், 27 மற்றும் 56 வயதுடைய இரண்டு பெண்கள், அனைவரும் சுவிஸ் நாட்டவர்கள், மற்றும் 32 வயதுடைய ஒருவர் கொசோவோ நாட்டவர்.
56 வயதுடைய பெண் மற்றும் 34 வயதுடைய ஆண் ஆகிய இருவர் புதன்கிழமை மாலை வரை மருத்துவமனையில் இருந்தனர். பாதிக்கப்பட்ட அனைவரும் இப்பகுதியில் வசிக்கின்றனர்.
