படகுகளுடன் 22 இந்திய மீனவர்கள் கைது
இலங்கை கடற்பரப்பினுள் அத்துமீறி நுழைந்து கடற்தொழில் ஈடுபட்ட குற்றச்சாட்டில் நான்கு படகுகளுடன் 22 இந்திய கடற்தொழிலாளர்கள் கைது செய்யப்பட்டுள்ளனர்.
நெடுந்தீவு கடற்பரப்பினுள் இரண்டு படகுகளில் அத்துமீறி நுழைந்து கடற்தொழிலில் ஈடுபட்ட 12 கடற்தொழிலாளர்களும் , மன்னர் கடற்பரப்பினுள் இரண்டு படகுகளில் அத்துமீறி நுழைந்து கடற்தொழிலில் ஈடுபட்ட 10 கடற்தொழிலாளர்களும் கைது செய்யப்பட்டுள்ளனர்
கைது செய்யப்பட்ட கடற்தொழிலாளர்களையும் அவர்களின் படகுகளையும் மேலதிக சட்ட நடவடிக்கைக்காக அந்த அந்த பிரதேச கடற்தொழில் நீரியல் வளத்துறை அதிகாரிகளிடம் கடற்படையினர் ஒப்படைத்துள்ளனர்.
இலங்கையின் 2018 ஆம் ஆண்டு 01 ஆம் இலக்க வெளிநாட்டு மீன்பிடிப் படகுகள் ஒழுங்குபடுத்தல் (திருத்தச்) சட்டத்தின் கீழ், அத்துமீறி நுழையும் மீனவர்கள் மீது கடுமையான நடவடிக்கைகள் எடுக்கப்படுகின்றன.
எல்லை தாண்டிய மீன்பிடியில் ஈடுபடுபவர்களுக்குக் குறுகிய காலச் சிறைத்தண்டனை அல்லது நீதிமன்றத்தினால் தீர்மானிக்கப்படும் அபராதம் விதிக்கப்படலாம்.
மிக முக்கியமாக, பயன்படுத்தப்பட்ட இழுவை மடிப் படகுகள் (Trawlers) அரசாங்கத்தால் அரசுடைமையாக்கப்படும். இவற்றை விடுவிப்பது சட்டப்படி மிகவும் கடினமானது.
ஏற்கனவே கைது செய்யப்பட்டு விடுவிக்கப்பட்டவர்கள் மீண்டும் சிக்கினால், அவர்களுக்கு மிக நீண்ட காலச் சிறைத்தண்டனை வழங்கப்பட வாய்ப்புள்ளது.
கைது செய்யப்பட்ட மீனவர்களை நேரில் சந்தித்து அவர்களுக்குத் தேவையான அடிப்படை வசதிகள் மற்றும் சட்ட உதவிகளை வழங்க கொழும்பிலுள்ள இந்தியத் தூதரகம் மற்றும் யாழ்ப்பாணத்திலுள்ள இந்தியத் துணைத் தூதரக அதிகாரிகள் நடவடிக்கை எடுத்துள்ளனர்.
மீனவர்களை மனிதாபிமான அடிப்படையில் விரைவாக விடுவிக்கக் கோரி இலங்கை வெளிவிவகார அமைச்சுடன் இந்திய அதிகாரிகள் தொடர்பில் உள்ளனர்.
மீனவர்களை நீதிமன்றத்தில் முன்னிலைப்படுத்தப்படுவதற்கு முன்னதாக முறையான மருத்துவப் பரிசோதனைகள் செய்யப்படுவதை அதிகாரிகள் உறுதி செய்கின்றனர்.
