ஐரோப்பாவில் மிகவும் இறுக்கமான சட்டங்களையும் விதிமுறைகளையும் கொண்ட நாடுகளில் ஜேர்மனியும் ஒன்றும்.
ஜேர்மனியில் பிரஜாவுரிமையைப் பெறுவதற்கான விதிகளை தளர்த்தும் புதிய சட்டத்திருத்தங்கள் ஜேர்மன் பாராளுமன்றத்தில் கடந்தவாரம் அங்கீகரிக்கப்பட்டன.
புதிய சட்டத்திருத்தத்தின்படி, ஜேர்மனியில் சட்டபூர்வமாக 5 வருடங்கள் வசிப்போர் பிரஜாவுரிமைக்கு விண்ணப்பிக்க முடியும். இதுவரை 8 வருடங்களின் பின்னரே பிரஜாவுரிமைக்கு விண்ணப்பிக்க முடியுமாக இருந்தது. அதன் பிரகாரம் இக்காலவரம்பு தற்போது 3 வருடங்களாக குறைக்கப்பட்டுள்ளது.
பிரஜாவுரிமை கிடைக்கும்
இரட்டைப் பிரஜாவுரிமையைக் கொண்டிருப்பதற்கான கட்டுப்பாடுகளும் தளர்த்தப்பட்டுள்ளன. இதுவரை ஐரோப்பிய ஒன்றியம் மற்றும் சுவிட்சர்லாந்தை தவிர்ந்த ஏனைய நாடுகளைச் சேர்ந்தவர்கள் ஜேர்மன் பிரஜா உரிமையை பெறும்போது தமது முந்தைய நாட்டின் பிரஜாவுரிமையை கைவிட வேண்டியிருந்தது. இந்நிலையில் தற்போது இவ்விதி தளர்த்தப்பட்டுள்ளது.
தம்பதிகளில் ஒருவர் சட்டபூர்வமாக 5 வருடங்கள் ஜேர்மனியில் வசித்தால் அவர்களுக்குப் பிறக்கும் குழந்தைகளுக்கு ஜேர்மன் பிரஜாவுரிமை கிடைக்கும். கடந்த வெள்ளிக்கிழமை ஜேர்மன் பாராளுமன்றத்தில் இச்சட்டங்கள் வாக்கெடுப்புக்கு விடப்பட்டபோது, 639 எம்.பிகள் ஆதரவாகவும் 234 பேர் எதிராகவும் வாக்களித்தனர்.
இச்சட்டமூலம் அமுலுக்கு வருவதற்கு ஜனாதிபதி பிராங் வோல்ட்டர் ஸ்டேய்ன் மேயர் கையெழுத்திட வேண்டும். தொழிலாளர் பற்றாக்குறைக்கு மத்தியில், திறன்கொண்ட தொழிலாளர்களை ஈர்ப்பதற்கு இச்சட்டத்திருத்தகள் உதவும் என ஜேர்மனியின் உள்துறை அமைச்சர் நான்சி பயீசர் தெரிவித்துள்ளார்.
‘உலகெங்கும் உள்ள தகுதியான மக்களுக்கு அமெரிக்கா, கனடாவைப் போன்று நாம் வாய்ப்பு வழங்க வேண்டும்’ என அவர் கூறியுள்ளார்.
ஜேர்மனியில் நிரந்தரமாக தங்கும் வாய்ப்புகள்
இதேவேளை, புகலிடக் கோரிக்கை நிராகரிக்கப்பட்டவர்களை விரைவாக நாடுகடத்துவதற்கான சட்டத்திருத்தங்களுக்கும் ஜேர்மனி பாராளுமன்றம் அங்கீகாரம் அளித்ததுள்ளது.
அந்தவகையில் ஜேர்மனியில் வசிக்கும் 8.44 கோடி மக்களில் 1.2 கோடிக்கும் (14 சதவீதம்) அதிகமானோருக்கு ஜேர்மன் பிரஜாவுரிமை இல்லை.அதேசமயம் அவர்களில் 53 இலட்சம் பேர் குறைந்தபட்சம் 10 வருடங்களுக்கு மேல் ஜேர்மனியில் வசிக்கின்றனர் எனவும் ஜேர்மனி அரசாங்கம் தெரிவித்துள்ளது.
யுத்தகாலத்தில் இலங்கையில் இருந்து குடிபெயர்ந்த பலர் ஐரோப்பிய நாடுகளில் இன்னமும் குடியுரிமை அல்லது இருப்புக்கான உரிய ஆவணங்களின்றி வாழ்கின்றனர். ஜேர்மனி மேற்கொண்டுள்ள இந்த சட்டத்திருத்தங்களின் ஊடாக பல ஆயிரக்கணக்கான தமிழ் மக்களுக்கு ஜேர்மனியில் நிரந்தரமாக தங்கும் வாய்ப்புகள் உருவாகியுள்ளதுடன், அவர்கள் அந்நாட்டில் சில சலுகைகளை பெறும் நிலையையும் ஏற்படுத்தியுள்ளது.
இதனால் ஜேர்மனி அரசாங்கத்துக்கு இங்கு வாழும் தமிழ் மக்கள் நன்றித் தெரிவித்துள்ளனர்.
