யாழ்ப்பாணம் மாமுனை மற்றும் சுண்டிக்குளம் கடற்பரப்புகளில் கடந்த ஏப்ரல் 16 மற்றும் 17 ஆம் திகதிகளில் கடற்படையினரால் மேற்கொள்ளப்பட்ட தனித்தனியான நடவடிக்கைகளின் விளைவாக சட்டவிரோதமான முறையில் மீன்பிடியில் ஈடுபட்ட 12 பேர் கைது செய்யப்பட்டுள்ளனர்.
இந்த நடவடிக்கைகளின் போது, இந்த சட்டவிரோத செயல்களுக்கு பயன்படுத்தப்பட்ட மூன்று டிங்கி படகுகள் மற்றும் அங்கீகரிக்கப்படாத மீன்பிடி உபகரணங்களையும் கடற்படையினர் கைப்பற்றியுள்ளனர்.
இந்நிலையில் சட்டவிரோத மீன்பிடி நடவடிக்கைகளை ஒடுக்குவதற்காக கடற்படையினர் இலங்கையின் கரையோர மற்றும் கடற்பரப்புகளில் வழக்கமான நடவடிக்கைகளை மேற்கொள்கின்றனர்.
இம்முயற்சிகளின் நீட்சியாக, வடக்கு கடற்படைக் கட்டளையின் வெத்தலகேணி கடற்படைத் தளத்திற்குச் சொந்தமான மாமுனையிலுள்ள கடற்படைப் பிரிவினர் கடற்படைக் கப்பலை அனுப்பியதுடன், மாமுனையிலிருந்து ஞாயிற்றுக்கிழமை விசேட நடவடிக்கையை மேற்கொண்டனர்.
இந்த நடவடிக்கையின் போது சட்டவிரோதமாக மீன்பிடி நடவடிக்கையில் ஈடுபட்ட நால்வர் கைது செய்யப்பட்டுள்ளதுடன், டிங்கி படகு மற்றும் அனுமதியற்ற மீன்பிடி உபகரணங்களும் கைப்பற்றப்பட்டுள்ளன.
இதேவேளை, சுண்டிக்குளம் கடற்படைப் பிரிவின் வெத்தலகேணியின் கடற்படைப் பிரிவைச் சேர்ந்த கடற்படைக் கடற்படையினர் குழுவொன்றும் கடந்த திங்கட்கிழமை சுண்டிக்குளத்திலிருந்து விசேட நடவடிக்கையை மேற்கொண்டது.
இந்த நடவடிக்கையின் போது, கடற்பகுதியில் மீன்பிடிக்க பயன்படுத்தப்படும் இரண்டு படகுகள் மற்றும் மீன்பிடி சாதனங்களுடன் எட்டு பேரை கடற்படையினர் கைது செய்தனர்.
இந்நிலையில் கைது செய்யப்பட்டவர்கள் மன்னார், தாளையடி, பூலையார்கோயிலடி, புதுக்குடியிருப்பு மற்றும் ஆனந்தபுரம் ஆகிய பகுதிகளில் வசிப்பவர்கள், 28க்கும் 59க்கும் இடைப்பட்டவர்கள்.
சந்தேகநபர்கள் அவர்களது மீன்பிடி உபகரணங்கள் மற்றும் டிங்கிகளுடன் யாழ்ப்பாணத்தில் உள்ள கடற்றொழில் மற்றும் நீரியல் வள திணைக்களத்திடம் மேலதிக சட்ட நடவடிக்கைகளுக்காக ஒப்படைக்கப்பட்டனர்.
