பிரெஞ்சு மண்ணில் ஆங்கிலக் கல்வி: வெளிநாட்டு மாணவர்களுக்கான புதிய வாய்ப்புகள்
இலங்கை இந்திய மாணவர்கள் பிரான்சுக்கு வந்து ஆங்கிலத்தில் கல்வி கற்க முடியுமா ?என்ற சந்தேகம் பலருக்கு இருக்கிறது . உண்மையில் பிரான்சில் வெளிநாட்டு மாணவர்கள் ஆங்கிலத்தில் (English-taught programs) தாராளமாகப் பயில முடியும். கடந்த சில ஆண்டுகளில் சர்வதேச மாணவர்களைக் கவர்வதற்காக ஆங்கில வழிக் கல்வியை வழங்கும் உயர்கல்வி நிறுவனங்களின் எண்ணிக்கை கணிசமாக அதிகரித்துள்ளது.
பிரான்சில் தற்போது 1,600-க்கும் மேற்பட்ட பாடத்திட்டங்கள் முழுமையாக ஆங்கிலத்தில் கற்பிக்கப்படுகின்றன.
இதில் பெரும்பாலானவை முதுகலை (Master’s) படிப்புகள் ஆகும். இருப்பினும், தற்போது இளங்கலை (Bachelor’s) படிப்புகளும் ஆங்கிலத்தில் கிடைக்கின்றன.
ஆங்கில வழிப் படிப்புகள் பெரும்பாலும் பின்வரும் துறைகளில் அதிகம் உள்ளன:
மேலாண்மை மற்றும் வணிகம் (Management & Business Schools)
பொறியியல் (Engineering)
அரசியல் அறிவியல் மற்றும் சர்வதேச உறவுகள் (Political Science)
கலை மற்றும் வடிவமைப்பு (Art & Design)
அறிவியல் மற்றும் தொழில்நுட்பம் (Science & Technology)
ஆங்கிலப் புலமை: மாணவர்கள் தங்களின் ஆங்கில அறிவை நிரூபிக்க IELTS அல்லது TOEFL போன்ற தேர்வுகளில் தேர்ச்சி பெற்றிருக்க வேண்டும்.
பிரெஞ்சு மொழித் தேவை: ஆங்கில வழிப் பாடங்களில் சேர பிரெஞ்சு மொழி தெரிந்திருக்க வேண்டும் என்ற கட்டாயம் இல்லை. ஆனால், அன்றாட வாழ்க்கைக்கும் பகுதிநேர வேலைகளுக்கும் அடிப்படை பிரெஞ்சு தெரிந்திருப்பது மிகவும் பயனுள்ளதாக இருக்கும்.
Grandes Écoles: இவை பிரான்சின் உயர்தர தனியார் கல்வி நிறுவனங்கள். இங்கு பெரும்பாலான பாடங்கள் ஆங்கிலத்திலும் நடத்தப்படுகின்றன.
பொதுப் பல்கலைக்கழகங்கள் (Public Universities): இங்கும் ஆங்கில வழிப் பாடங்கள் உள்ளன, குறிப்பாக சர்வதேச மாணவர்களுக்காக வடிவமைக்கப்பட்ட சிறப்புப் பாடத்திட்டங்கள்.
Campus France என்ற அதிகாரப்பூர்வ இணையதளத்தில் “Programs taught in English” என்ற தனிப் பகுதி உள்ளது. அதன் மூலம் மாணவர்கள் தங்களுக்குத் தேவையான பாடப்பிரிவு மற்றும் பல்கலைக்கழகத்தைத் தேடிக் கண்டறியலாம்.
