ஈரான் – சீனா இடையே சூப்பர்சோனிக் ஏவுகணை ஒப்பந்தம், இது நிறைவேறினால்….?
சீனாவிடமிருந்து ஒலியை விட வேகமாகச் செல்லக்கூடிய (Supersonic) கப்பல் எதிர்ப்பு ஏவுகணைகளைப் பெறுவதற்கான ஒப்பந்தத்தில் ஈரான் மிக நெருங்கி வந்துள்ளதாகத் தகவல்கள் தெரிவிக்கின்றன.
பெய்ஜிங்கிடமிருந்து CM-302 க்ரூஸ் ஏவுகணைகளை வாங்குவதற்கு டெஹ்ரான் இறுதிக்கட்ட பேச்சுவார்த்தையில் ஈடுபட்டுள்ளதாக ‘ராய்ட்டர்ஸ்’ (Reuters) செய்தி நிறுவனம் தெரிவித்துள்ளது. இவை கடல் இலக்குகளை மிக அதிவேகமாகவும், குறைந்த உயரத்தில் பறந்து சென்று தாக்கக்கூடிய வகையிலும் வடிவமைக்கப்பட்டவை.
கடந்த ஆண்டு இஸ்ரேலுடன் நடந்த போர் மற்றும் பாரசீக வளைகுடாவில் அமெரிக்காவுடனான பதற்றம் அதிகரித்து வரும் சூழலில் இந்தப் பேச்சுவார்த்தைகள் நடைபெறுகின்றன.
இந்த ஒப்பந்தம் நிறைவேறினால், ஹார்முஸ் ஜலசந்தியில் (Strait of Hormuz) செல்லும் கப்பல்களுக்கு அச்சுறுத்தலை ஏற்படுத்தும் ஈரானின் திறன் கணிசமாக அதிகரிக்கும் என எதிர்பார்க்கப்படுகிறது.
ஆதாரம்: ராய்ட்டர்ஸ்
நம்பகமான சர்வதேச அரசியல், ராணுவ செய்திகள் மற்றும் முக்கிய உலகச் செய்திகளை உடனுக்குடன் தெரிந்துகொள்ள..
