பரபரப்பு: அரபிக்கடலில் ஈரான் ட்ரோனை சுட்டு வீழ்த்தியது அமெரிக்கா!
அரபிக்கடலில் பாதுகாப்பு பணியில் ஈடுபட்டிருந்த அமெரிக்காவின் USS Abraham Lincoln (CVN-72) விமானம் தாங்கி போர்க்கப்பலை நோக்கி அச்சுறுத்தும் வகையில் வந்த ஈரானிய ட்ரோனை அமெரிக்க ராணுவம் சுட்டு வீழ்த்தியுள்ளது.
📍 அமெரிக்க மத்திய கட்டளை அலுவலகம் (CENTCOM) வெளியிட்டுள்ள தகவலின்படி: ஈரானின் தெற்கு கடற்கரையிலிருந்து சுமார் 800 கி.மீ (500 மைல்) தொலைவில் சர்வதேச கடல் பகுதியில் இந்த சம்பவம் நிகழ்ந்துள்ளது.
ஈரானின் Shahed-139 ரக ட்ரோன், அமெரிக்க போர்க்கப்பலை நோக்கி “ஆக்ரோஷமான முறையில்” நெருங்கி வந்துள்ளது. பலமுறை எச்சரித்தும் ட்ரோன் விலகிச் செல்லாததால், கப்பலில் இருந்த F-35C ரக போர் விமானம் மூலம் அது சுட்டு வீழ்த்தப்பட்டது.
🔍 இந்த மோதலில் அமெரிக்க வீரர்களுக்கோ அல்லது கப்பலுக்கோ எந்தவித பாதிப்பும் ஏற்படவில்லை என்று உறுதிப்படுத்தப்பட்டுள்ளது. இதே தினத்தில் ஹார்முஸ் ஜலசந்தி பகுதியில் அமெரிக்கக் கொடியுடன் சென்ற வணிகக் கப்பலையும் ஈரானிய படைகள் அச்சுறுத்த முயன்றதாக புகார்கள் எழுந்துள்ளன.
அமெரிக்க ஜனாதிபதி டொனால்ட் ட்ரம்ப் நிர்வாகம் ஈரானுடன் புதிய அணுசக்தி ஒப்பந்தம் தொடர்பாக பேச்சுவார்த்தை நடத்த அழுத்தம் கொடுத்து வரும் நிலையில், இந்த ராணுவ மோதல் மத்திய கிழக்கில் பெரும் பரபரப்பை ஏற்படுத்தியுள்ளது.
சர்வதேச கடல் பகுதியில் ஈரான் மேற்கொண்டு வரும் இத்தகைய ஆக்ரோஷமான செயல்பாடுகள் பிராந்திய பாதுகாப்பிற்கு அச்சுறுத்தலாக இருப்பதாக அமெரிக்கா எச்சரித்துள்ளது.
