கரீபியன் கடலில் அமெரிக்காவின் பிரம்மாண்ட ‘யுஎஸ்எஸ் ஜெரால்ட் ஆர். ஃபோர்டு’ – அதிரடி நடவடிக்கை!
உலகின் மிகப்பெரிய விமானம் தாங்கி போர்க்கப்பலான யுஎஸ்எஸ் ஜெரால்ட் ஆர். ஃபோர்டு (CVN 78), தற்போது கரீபியன் கடல் பகுதியில் நிலைநிறுத்தப்பட்டுள்ளது. இதன் ஒரு பகுதியாக, ‘கேரியர் ஏர் விங் 8’ (Carrier Air Wing 8) பிரிவின் வான்வழி தலைமை மாற்றும் விழா (Aerial Change of Command) மிகச்சிறப்பாக நடைபெற்றது.
விழாவின் போது அமெரிக்க கடற்படையின் அதிநவீன விமானங்கள், இந்த மாபெரும் போர்க்கப்பலுக்கு மேலே அணிவகுத்துச் சென்று தங்கள் வலிமையை வெளிப்படுத்தின.
அமெரிக்காவின் தெற்கு பிராந்திய பாதுகாப்பு (U.S. Southern Command) மற்றும் நாட்டின் பாதுகாப்பு முன்னுரிமைகளின் அடிப்படையில் இப்படை கரீபியன் பகுதியில் செயல்பட்டு வருகிறது.
கடல் வழியாக நடைபெறும் சட்டவிரோத போதைப்பொருள் கடத்தலைத் தடுத்தல் மற்றும் தேசத்தின் பாதுகாப்பை உறுதி செய்வதே இந்த அதிரடி நிலைநிறுத்தலின் முதன்மை நோக்கமாகும்.
அமெரிக்க கடற்படையின் இந்த அதிநவீன போர்க்கப்பல், நவீன தொழில்நுட்பம் மற்றும் வலிமையான விமானப்படைப் பிரிவுகளுடன் பிராந்திய அமைதியைக் காக்க தயார் நிலையில் உள்ளது.
இந்தக் கப்பல் ஃபோர்டு வகுப்பு (Ford-class) வகையைச் சேர்ந்த முதல் கப்பலாகும். இது சுமார் 1,00,000 தொன்களுக்கும் அதிகமான எடையைக் கொண்டது மற்றும் மின்காந்த விமான ஏவுதள அமைப்பு (EMALS) போன்ற புதிய தொழில்நுட்பங்களைக் கொண்டுள்ளது.
