ஐ.நா. மனித உரிமைகள் பேரவையில் இலங்கை மீதான குற்றச்சாட்டு: “உறுதிமொழிகள் வெற்றுப் பேச்சாகவே உள்ளன”
ஐக்கிய நாடுகள் மனித உரிமைகள் பேரவையில் (UNHRC), இலங்கையின் உறுதிமொழிகள் நிறைவேற்றப்படாமல் உள்ளன என்றும், நீதி, அதிகாரப் பரவலாக்கல் மற்றும் மனித உரிமைகள் தொடர்பான ஒவ்வொரு உறுதிமொழியும் வெற்றுப் பேச்சாகவே குறைக்கப்பட்டுள்ளது என்றும் மீண்டும் வலியுறுத்தியுள்ளதாக பாராளுமன்ற உறுப்பினர் சாணக்கியன் இராசமாணிக்கம் தெரிவித்தார்.
”உறுதியளிப்புகள் அல்ல, செயல்பாடுகளுக்கான நேரம் இது,” என்று அவர் தனது ‘X’ சமூக ஊடகப் பதிவில் குறிப்பிட்டுள்ளார். மேலும், “இந்த அரசாங்கம் தனது சொந்த மக்களை ஏமாற்றுவது போல உலகத்தையும் தொடர்ந்து ஏமாற்ற முடியாது,” என்றும் அவர் கூறியுள்ளார்.
’இலங்கையில் பொறுப்புக்கூறல் மற்றும் நல்லிணக்கத்தை மேம்படுத்துதல்’ தொடர்பான தீர்மானம் வாக்கெடுப்பு இன்றி UNHRC இல் நிறைவேற்றப்பட்டதாக முன்னாள் நாடாளுமன்ற உறுப்பினர் எம்.ஏ. சுமந்திரன் ‘X’ இல் பதிவிட்ட செய்திக்கு பதிலளிக்கும் போதே சாணக்கியன் இராசமாணிக்கம் இவ்வாறு தெரிவித்துள்ளார்.
சர்வதேச மேற்பார்வை நீட்டிப்பு வரவேற்பு
”2012 ஆம் ஆண்டு முதல் பல தீர்மானங்கள் இருந்தபோதிலும், 16 ஆண்டுகளுக்கும் மேலாக முன்னேற்றம் இல்லாதது ஏமாற்றமளிக்கிறது என்றாலும், மேலும் இரண்டு ஆண்டுகளுக்கு சர்வதேச மேற்பார்வை நீட்டிக்கப்பட்டதை நாங்கள் வரவேற்கிறோம்,” என்று முன்னாள் நாடாளுமன்ற உறுப்பினர் எம்.ஏ. சுமந்திரன் தெரிவித்துள்ளார்.
