பாடசாலை நேரம் நீடிப்பு: கல்வி அமைச்சர் ஹரிணி அமரசூரிய அறிவிப்பு!
பிரதமர் மற்றும் கல்வி அமைச்சருமான ஹரிணி அமரசூரிய, புதிய கல்விச் சீர்திருத்தங்களின் கீழ் பாடசாலை நேரம் முப்பது நிமிடங்கள் நீட்டிக்கப்பட்டுள்ளதாகத் தெரிவித்துள்ளார்.
தொலைக்காட்சி நேர்காணல் ஒன்றில் உரையாற்றிய பிரதமர் அமரசூரிய, ஒரு பாட வேளையின் காலம் 45 நிமிடங்களாக நீட்டிக்கப்பட்டுள்ளதாகக் கூறினார்.
“இது பாடம் அல்லது பாடத்திட்டம் அவசரம் இன்றி கற்பிக்கப்படுவதை உறுதி செய்வதற்காகும். குழு ஆராய்ச்சி மற்றும் விளக்கக்காட்சிகள் போன்ற பல செய்முறை நடவடிக்கைகளை நாங்கள் சேர்த்துள்ளோம். ஆசிரியர்களுக்கு மாணவர்களுக்குக் கற்பிக்க போதுமான நேரம் இருக்க வேண்டும், அதே நேரத்தில் மாணவர்கள் அவசரமின்றி இந்த நடவடிக்கைகளில் பங்கேற்க நேரம் தேவை” என்று அவர் விளக்கினார்.
ஆரம்பத்தில் பாடசாலைகளை காலை 08.00 மணி முதல் மாலை 04.00 மணி வரை நடத்துவதற்கு முன்மொழியப்பட்டது என்பதை வெளிப்படுத்திய பிரதமர் அமரசூரிய, இருப்பினும், பாடசாலை நேரத்தை அரை மணி நேரம் மட்டுமே நீட்டிக்க முடிவு செய்யப்பட்டதாகக் கூறினார்.
போக்குவரத்து போன்ற பிற தளவாடச் சிக்கல்களைக் கருத்தில் கொண்டு இந்த முடிவு எடுக்கப்பட்டதாக அவர் தெரிவித்தார்.
