எதிர்வரும் பொதுத் தேர்தலுக்காக தேர்தல் கடமைகளுக்காக 63,145 பொலிஸ் உத்தியோகத்தர்கள் ஈடுபடுத்தப்படவுள்ளதாக பிரதிப் பொலிஸ் மா அதிபரும் பொலிஸ் ஊடகப் பேச்சாளருமான திரு.நிஹால் தல்துவ தெரிவித்துள்ளார்.
இன்று (08) இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவித்த அவர், பொதுத்தேர்தலுக்காக 3200 விசேட பொலிஸ் அதிரடிப்படை அதிகாரிகள் மற்றும் முப்படை வீரர்களும் ஈடுபடுத்தப்பட உள்ளதாகவும் 12,227 சிவில் பாதுகாப்பு உத்தியோகத்தர்களையும் சேவையில் ஈடுபடுத்த நடவடிக்கை எடுக்கப்பட்டுள்ளதாகவும் தெரிவித்தார்.
3109 நடமாடும் பயணங்களை நடைமுறைப்படுத்தவும், தீவு முழுவதும் 269 சாலைத் தடைகளை ஏற்படுத்தவும் திட்டமிடப்பட்டுள்ளது.
மேலும், 214 கலவர எதிர்ப்பு குழுக்கள் தயார் செய்யப்பட்டுள்ளதாகவும், முறைகேடான நடவடிக்கைகளை கண்காணிக்க புலனாய்வு அதிகாரிகளை அனுப்ப நடவடிக்கை எடுக்கப்பட்டுள்ளதாகவும் பொலிஸ் ஊடகப் பேச்சாளர் சட்டத்தரணி திரு.நிஹால் தல்துவ தெரிவித்தார்.
