அமெரிக்கா கொலராடோ மாநிலத்தின் தலைநகர் டென்வரில் நேற்று காலை நடந்த துப்பாக்கிச் சூட்டுச் சம்பவத்தில் இரண்டு பேர் உயிரிழந்துள்ளனர்.
குடியிருப்பு பகுதியான Green Valley Ranchல் நேற்று அதிகாலை 2.30 அளவில் நடந்த இந்த சம்பவத்தில் 6 பேர் காயமடைந்த நிலையில்,வைத்தியசாலையில் அனுமதிக்கப்பட்டதாக பொலிஸார் தெரிவித்துள்ளனர்.
அவர்களில் படுகாயமடைந்த இரண்டு பேர் அதிகாலை 6 மணிக்கு உயிரிழந்துள்ளனர்.
உயிரிழந்தவர்களில் ஒரு இளைஞனும் ஒரு சிறுவனும் அடங்குவதாக பொலிஸார் ஊடகங்களிடம் தெரிவித்துள்ளனர்.
இந்த சம்பவம் தொடர்பாக இதுவரை எவரும் கைது செய்யப்படவில்லை. பொலிஸார் சாட்சியங்களை சேகரிக்கும் பணியில் ஈடுபட்டுள்ளனர்.
