26 வயது யுவதியை பாலியல் பலாத்காரம் செய்த 4 தபால் ஊழியர்களை பொலிஸார் கைது செய்துள்ளனர்.
ருவன்வெல்ல மற்றும் இம்புலான தபால் நிலையங்களில் கடமையாற்றும் 4 தபால் ஊழியர்கள் கைது செய்யப்பட்டுள்ளதாக பொலிஸார் தெரிவித்துள்ளனர்.
கன்னந்தோட்டை பிரதேசத்தை சேர்ந்த 26 வயதுடைய யுவதியொருவர் தனது தாயாருடன் ருவன்வெல்ல நகரிலுள்ள தபால் நிலையமொன்றுக்கு கடந்த வெள்ளிக்கிழமை சென்றுள்ளார்.
அங்கு அவர்களுக்கு உதவிய 27 வயதுடைய இளைஞன் உதவி தேவைப்பட்டால் அழைக்குமாறு யுவதிக்கு தொலைபேசி இலக்கத்தை வழங்கியுள்ளார். மேலும் பெண்ணின் தொலைபேசி எண்ணையும் சந்தேக நபர் பெற்றுக் கொண்டுள்ளார்.
பின்னர் அந்த இளைஞன் குறித்த யுவதியுடன் நட்பாக பழகி யுவதியை கன்னந்தோட்டையில் உள்ள அவரது வீட்டிற்கு அழைத்து சென்று பாலியல் பலாத்காரம் செய்துள்ளதாக தெரிவிக்கப்படுகின்றது.
குறித்த யுவதி தனது வீட்டிற்கு வந்த பின்னர் ருவன்வெல்ல மற்றும் இம்புலான தபால் நிலையங்களில் பணிபுரியும் தனது நண்பர்கள் மூவரை சந்தேக நபர் வீட்டிற்கு அழைத்துள்ளார்.
அதன்பிறகு, அவர்கள் 4 பேரும் அந்த இளம் பெண்ணை பலமுறை பலாத்காரம் செய்துள்ளதுடன், பயந்துபோன அந்த இளம்பெண் இதுகுறித்து யாரிடமும் கூறவில்லை என தெரிவிக்கப்படுகிறது.
சிறுமி தொலைபேசியில் பேசிக் கொண்டு தபால் ஊழியரின் வீட்டை நோக்கி செல்வதை சிறுமியின் மூத்த சகோதரரின் நண்பர் ஒருவர் பார்த்துள்ளார்.
இதனால், மூத்த சகோதரர் யுவதியிடம் இது குறித்து விசாரித்தபோது, அவர் நடந்ததை கூறியதுடன், யுவதியின் தாய் இது குறித்து ருவன்வெல்ல பொலிஸில் முறைப்பாடு செய்துள்ளார்.
இதன்படி, யுவதி மருத்துவ சிகிச்சைக்காக வைத்தியசாலையில் அனுமதிக்கப்பட்டதுடன், அவரை வன்புணர்வு செய்ததாக கூறப்படும் தபால் ஊழியர்களை கைது செய்வதற்கும் ருவன்வெல்ல பொலிஸார் நடவடிக்கை எடுத்துள்ளனர்.
