புதிய உலக வரைபடத்தில் சிறியதாக மாறிய பிரான்ஸ் !!
உலக நாடுகளை வியப்படையச் செய்த புதிய அறிவிப்பு!
புவிசார் உண்மைகளுக்கு மாறாகப் பல நூற்றாண்டுகளாகப் பயன்பாட்டில் உள்ள மெர்கேட்டர் (Mercator) உலக வரைபட முறையைக் கைவிட்டு,
உண்மையான பரப்பளவைக் காட்டும் புதிய முறையைக் கொண்டுவரப் போவதாகப் பிரான்ஸ் அறிவித்துள்ளது.
பிரெஞ்சு வெளியுறவுத்துறை அமைச்சர் ஜீன்-நொவல் பாரோ (Jean-Noël Barrot), சோர்போன் பல்கலைக்கழகத்தில் நடைபெற்ற நிகழ்வு ஒன்றில் இந்த முக்கிய அறிவிப்பை வெளியிட்டார்.
16-ஆம் நூற்றாண்டு மேற்குலக மாலுமிகளால் உருவாக்கப்பட்ட இந்த மெர்கேட்டர் வரைபடத்தில்,
ஐரோப்பா மற்றும் வடதுருவப் பகுதிகள் மிகப் பெரியதாகவும், ஆப்பிரிக்கா மற்றும் சமபங்குப் பகுதிகள் மிகச் சிறியதாகவும் போலியாகக் காட்டப்படுவதாக அவர் சுட்டிக்காட்டினார்.
உதாரணமாக, காகோ மற்றும் அல்ஜீரியா நாட்டிற்கு இணையான பரப்பளவு கொண்ட கிரீன்லாந்து தீவு, முழு ஆப்பிரிக்கக் கண்டத்தையே விடப் பெரிது போலத் தோற்றமளிப்பதையும் அவர் விளக்கினார்.
இந்தத் தவறான புவியியல் தோற்றத்தைத் திருத்துவதற்காகப் பிரான்ஸ் இனி ‘எக்கர்ட் IV’ (Eckert IV) என்ற புதிய வரைபட முறையைப் பயன்படுத்த உள்ளதாக அறிவிக்கப்பட்டுள்ளது.
இந்த மாற்றத்தின் மூலம் உலகின் உண்மையான பரப்பளவு பிரதிபலிக்கப்படும் என்றும்,
பிரான்ஸ் உள்ளிட்ட சில நாடுகள் வரைபடத்தில் சற்றுச் சிறியதாகத் தெரியும் என்றும் தெரிவிக்கப்பட்டுள்ளது.
இதற்கிடையில், நியூயார்க்கில் நடைபெற்ற ஐக்கிய நாடுகள் சபையின் பொதுச் சபையிலும் (UNGA) இதே போன்றதொரு வரலாற்றுச் சிறப்புமிக்க முடிவு எடுக்கப்பட்டுள்ளது.
டோகோ நாடு கொண்டுவந்த ‘வரைபடத்தைத் திருத்துதல்’ என்ற தீர்மானத்திற்கு ஆதரவாக 164 உறுப்பு நாடுகள் வாக்களித்துள்ளன.
இதன் மூலம், மெர்கேட்டர் முறைக்குப் பதிலாக உண்மையான பரப்பளவைக் காட்டும் ‘ஈக்குவல் எர்த்’ (Equal Earth) வரைபட முறையை ஐநா முறைப்படி ஏற்றுக்கொண்டுள்ளது.
பிரான்சின் இந்த அதிரடி நகர்வு மற்றும் ஐநாவின் இந்த உலகளாவிய முடிவு ஆகியவை சர்வதேச வரைபடக் கொள்கையில் ஒரு புதிய மாற்றத்தை ஏற்படுத்தியுள்ளன.
உலக வரைபடங்களை மாற்றியமைப்பது உலகத்தை மாற்றிவிடாது என்றாலும், நிலப்பரப்புகளின் அளவுகளில்
நீண்டகாலமாக இருந்து வந்த முறைகேடுகளைத் திருத்துவது உண்மையை நோக்கிய ஒரு முக்கியமான படியாகும் என்று பிரெஞ்சு அரசு தெரிவித்துள்ளது.
