கிளிநொச்சியில் இராணுவத்தின் வசம் இருந்த 1.5 ஏக்கர் தனியார் காணி விடுவிப்பு!
கிளிநொச்சி மாவட்டத்தில் உள்ள கண்டாவளை பிரதேச செயலகத்திற்கு உட்பட்ட பரந்தன் பகுதியில் இலங்கை இராணுவத்தின் வசம் இருந்த 1.5 ஏக்கர் தனியார் காணி இன்று (29) உத்தியோகபூர்வமாக விடுவிக்கப்பட்டுள்ளது.
காணி விடுவிக்கப்பட்டதைத் தொடர்ந்து, கிளிநொச்சி மாவட்ட செயலகத்தில் நடைபெற்ற வைபவம் ஒன்றில், இராணுவத்தினரால் உத்தியோகபூர்வமான காணி விடுவிப்பு ஆவணங்கள் கிளிநொச்சி மாவட்டச் செயலாளர் எஸ். முரளிதரனிடம் கையளிக்கப்பட்டது.
இந்த நிகழ்வில் கண்டாவளைப் பிரதேச செயலாளர் டி. பிருந்தாகரன் மற்றும் பல அதிகாரிகளும் கலந்துகொண்டனர்.
