யாழ்ப்பாணத்தில் வாள்வெட்டுத் தாக்குதல்: ஒருவர் படுகாயம்
யாழ்ப்பாணம், குருநகர் – தெல்லிப்பழை வைத்தியசாலை வீதியில் இன்று காலை (11) வாள்வெட்டுத் தாக்குதல் ஒன்று இடம்பெற்றுள்ளது.
பாலாவி பொலிஸாரின் கூற்றுப்படி, மூன்று மோட்டார் சைக்கிள்களில் வந்த ஆறு பேர் இந்தத் தாக்குதலை நடத்திவிட்டு அங்கிருந்து தப்பிச் சென்றுள்ளனர்.
தாக்குதலுக்கு இலக்கான 32 வயதான தர்மராசா தினேஸ்குமார் என்பவர், இரண்டு பிள்ளைகளின் தந்தையாவார். கடுமையான வெட்டுக் காயங்களுக்கு உள்ளான அவர், தெல்லிப்பழை ஆதார வைத்தியசாலையில் அனுமதிக்கப்பட்டுள்ளார்.
பொலிஸார் அப்பகுதியில் பாதுகாப்பை பலப்படுத்தியுள்ளதுடன், மேலதிக விசாரணைகளையும் ஆரம்பித்துள்ளனர்.
இதே வீதியில் இரண்டு நாட்களுக்கு முன்னர் மேலும் ஒரு வாள்வெட்டுத் தாக்குதல் பதிவாகிய நிலையில், இந்தச் சம்பவம் இடம்பெற்றுள்ளது.
