முன்னாள் ஜனாதிபதி மகிந்த ராஜபக்ச, விஜேராம மாவத்தையில் உள்ள உத்தியோகபூர்வ இல்லத்தை விட்டு வெளியேறினார்
கொழும்பில் உள்ள விஜேராம மாவத்தையில் அமைந்திருந்த தனது உத்தியோகபூர்வ இல்லத்தை இன்று காலி செய்த முன்னாள் ஜனாதிபதி மகிந்த ராஜபக்ச, தங்காலை கார்ல்டன் இல்லத்திற்கு வருகை தந்தபோது அவருக்கு பெரும் வரவேற்பு அளிக்கப்பட்டது.
ராஜபக்சவும் அவரது மனைவி ஷிரந்தியும் கார்ல்டன் இல்லத்திற்குத் திரும்பியதைக் கண்டு மகிழ்ச்சியடைந்த பெருந்திரளான மக்களால் வரவேற்கப்பட்டனர்.
ஜனாதிபதிகளுக்கான சலுகைகளை (நீக்குதல்) சட்டமூலம் நிறைவேற்றப்பட்டதை அடுத்து, முன்னாள் ஜனாதிபதி மகிந்த ராஜபக்ச கொழும்பில் உள்ள தனது உத்தியோகபூர்வ இல்லத்தை விட்டு வெளியேறி தங்காலை திரும்பினார்.
முன்னாள் ஜனாதிபதிகள், அவர்களது விதவைகள் மற்றும் ஓய்வுபெற்ற நாடாளுமன்ற உறுப்பினர்களுக்கு வழங்கப்படும் விசேட சலுகைகளை ரத்து செய்யும் இந்த சட்டமூலம் நேற்று பாராளுமன்றத்தில் திருத்தங்கள் இன்றி நிறைவேற்றப்பட்டது குறிப்பிடத்தக்கது.
