கதிர்காமத்தில் இருந்து கொழும்புக்கு கொண்டுவரப்பட்ட 100 கிலோ மரை இறைச்சி இந்துருவ பிரதேசத்தில் கைப்பற்றப்பட்டுள்ளது.
கொஸ்கொட பொலிஸ் உத்தியோகத்தர்கள் குழுவொன்று, சோதனை நடவடிக்கையின் கீழ் மேற்கொள்ளப்பட்ட விசாரணை தொடர்பில் காலி கொழும்பு வீதியில் இந்துருவ கைகாவல பிரதேசத்தில் பயணித்த பேருந்துகளை சோதனையிட்டனர்.
அங்கு கதிர்காமத்தில் இருந்து கொழும்பு நோக்கி பயணித்த இலங்கை போக்குவரத்து சபையின் அம்பலாந்தோட்டை டிப்போவிற்கு சொந்தமான பேருந்தின் பின்புறம் மரை இறைச்சி அடங்கிய பொதி ஒன்றை பொலிஸார் கண்டுபிடித்துள்ளனர்.
இது குறித்து பேருந்தின் சாரதி மற்றும் நடத்துனரிடம் கேட்டபோது, கொழும்புக்கு எடுத்துச் செல்வதற்காக ஒருவர் மரப்புளி என கூறிய பார்சலை கொடுத்ததாக தெரிவித்தனர்.
குறித்த இறைச்சி, மரை இறைச்சி என அடையாளம் காணப்பட்டு நீதிமன்ற அனுமதியுடன் சுவையறிஞர் திணைக்களத்திற்கு அனுப்பி வைக்கப்படவுள்ளது.
அந்த இறைச்சி ஒரு கிலோ கதிர்காமம் பிரதேசத்தில் இருந்து 600 ரூபா விலையில் கொள்வனவு செய்யப்பட்டுள்ளது.
அவற்றை கொழும்புக்கு கொண்டு வந்து 2500 முதல் 2600 ரூபா வரை அதிக விலைக்கு விற்பனை செய்ய திட்டமிட்டிருந்ததாக பொலிஸாரின் மேலதிக விசாரணைகளில் தெரியவந்துள்ளது.
குறித்த பேருந்தின் சாரதி மற்றும் நடத்துனரை பொலிஸார் தடுத்து வைத்து விசாரணைகளை மேற்கொண்டு வருவதுடன், சம்பவம் தொடர்பில் கொஸ்கொட பொலிஸார் மேலதிக விசாரணைகளை மேற்கொண்டு வருகின்றனர்.
