ஹோர்முஸ் நீரிணை அருகே தாக்குதல்!!
இரண்டு கப்பல்கள் மூழ்கியதாகத் தகவல்; ஓமான் கடற்பரப்பில் மிதக்கும் கொள்கலன்கள்!
மத்திய கிழக்கின் மூலோபாய முக்கியத்துவம் வாய்ந்த ஹோர்முஸ் நீரிணை (Strait of Hormuz) அருகே ஏவுகணை/எறிகணைத் தாக்குதலுக்கு
(Projectiles) இலக்கான இரண்டு கப்பல்கள் மூழ்கியதாக வெளியான தகவல்களைத் தொடர்ந்து, ஓமான் கடற்பரப்பில் பல கொள்கலன்களும் (Containers)
சிதைவுகளும் மிதந்து வருவதாகத் தெரிவிக்கப்பட்டுள்ளது.கடலில் சிதைவுகளும் கொள்கலன்களும் மிதக்கும் காட்சிகள் அடங்கிய காணொளிகள் வெளியாகியுள்ளது.
தாக்குதலுக்குப் பயன்படுத்தப்பட்ட ஆயுதங்களின் வகை அல்லது இதன் பின்னணியில் உள்ளவர்கள் யார் என்பது
தொடர்பான முழுமையான மற்றும் உத்தியோகபூர்வ தகவல்கள் வெளிவரும் வரை இது குறித்த தீவிர கண்காணிப்பு தொடர்கிறது.
உலகளாவிய மசகு எண்ணெய் மற்றும் சரக்கு போக்குவரத்தில் ஹோர்முஸ் நீரிணை மிக முக்கியமான கடல்வழியாகத் திகழ்கிறது.
இப்பகுதியில் அண்மைக்காலமாக வர்த்தக கப்பல்களை இலக்கு வைத்து முன்னெடுக்கப்படும் தாக்குதல்கள் சர்வதேச கடல்சார் பாதுகாப்பிலும்,
உலகளாவிய விநியோகச் சங்கிலியிலும் பெரும் பதற்றத்தை ஏற்படுத்தியுள்ளன.
