மாவனெல்ல மணிக்காவவில் அனர்த்தம்: மண்மேடு சரிந்து கட்டுமான தொழிலாளர்கள் மூவர் பலி
மாவனெல்ல, மணிக்காவவில் உள்ள ஒரு கட்டுமான இடத்தில் மண்மேடு சரிந்து விழுந்ததில் சிக்கியிருந்த தொழிலாளர்கள் மூவரின் சடலங்களும் மீட்கப்பட்டுள்ளதாக பொலிஸார் தெரிவித்துள்ளனர்.
நேற்று (செப்டம்பர் 29) காலை இச்சம்பவம் நடந்தபோது மூன்று தொழிலாளர்கள் அந்த இடத்தில் பணியில் ஈடுபட்டிருந்ததாக பொலிஸ் தகவல்கள் தெரிவிக்கின்றன.
மாவனெல்ல, அளுத்நுவர பகுதியில் தொழிலாளர்கள் குழுவொன்று சுவர் கட்டும் பணியில் ஈடுபட்டிருந்தபோது, எதிர்பாராத விதமாக மண்மேடு அவர்கள் மீது சரிந்து விழுந்தது.
இந்தச் சம்பவம் குறித்து தகவல் கிடைத்ததைத் தொடர்ந்து, தொழிலாளர்களைப் பாதுகாப்பாக மீட்கும் நோக்குடன் நேற்று (செப் 29) முன்னெடுக்கப்பட்ட மீட்பு நடவடிக்கைகள் விரைவாக மேற்கொள்ளப்பட்டன. இருப்பினும், மூவரும் சடலங்களாகவே மீட்கப்பட்டனர்.
