8 மாவட்டங்களுக்கு வெப்பமான காலநிலை எச்சரிக்கை: இன்று (அக் 01) முதல் அமுல்
வளிமண்டலவியல் திணைக்களம் வட மத்திய, கிழக்கு மாகாணங்கள் மற்றும் வவுனியா, முல்லைத்தீவு, மொனராகலை மாவட்டங்களுக்காக வெப்பமான காலநிலை தொடர்பான ஆலோசனையை வெளியிட்டுள்ளது.
திணைக்களத்தின்படி, நாளைய தினம் (அக்டோபர் 01) முதல் அமுலாகும் வகையில் 08 மாவட்டங்களுக்கு அம்பர் எச்சரிக்கை விடுக்கப்பட்டுள்ளது.
மனித உடலில் உணரப்படும் வெப்பநிலையைக் குறிக்கும் வெப்ப சுட்டெண் (Heat Index), இந்த மாவட்டங்களின் சில இடங்களில் ‘அக்கறை கொள்ள வேண்டிய நிலை’ (Caution level) வரை அதிகரிக்க வாய்ப்புள்ளது என்று திணைக்களம் தெரிவித்துள்ளது.
நீண்ட நேரம் வெயிலில் இருப்பதாலும், நடவடிக்கைகளில் ஈடுபடுவதாலும் சோர்வு ஏற்படக்கூடும் என்றும், தொடர்ச்சியான செயல்பாடு வெப்பத் தசைப்பிடிப்புக்கு (heat cramps) வழிவகுக்கும் என்றும் பொதுமக்களுக்கு எச்சரிக்கை விடுக்கப்பட்டுள்ளது.
