எதிர்க்கட்சிகளின் முக்கிய சந்திப்பு: ஐக்கிய முன்னணி அமைப்பது குறித்து ஆராய்வு
எதிர்க்கட்சிகளைச் சேர்ந்த பல அரசியல் கட்சிகளின் பிரதிநிதிகள் பங்கேற்கும் சிறப்புக் கலந்துரையாடல் ஒன்று இன்று (14) நடைபெற உள்ளது. அரசியல் வட்டாரங்களின்படி, இந்தக் கலந்துரையாடல் முன்னாள் அமைச்சர் பேராசிரியர் ஜி.எல். பீரிஸ் தலைமையில் நடைபெறும் என்று எதிர்பார்க்கப்படுகிறது.
எதிர்க்கட்சிகளை ஒன்றிணைத்து ஐக்கிய முன்னணி அமைப்பது குறித்து இச்சந்திப்பில் ஆராயப்பட உள்ளதாக எதிர்க்கட்சி அரசியல் பிரதிநிதிகள் தெரிவித்துள்ளனர்.
முன்னதாக, கடந்த வாரம் பேராசிரியர் பீரிஸின் இல்லத்தில் ஒரு கலந்துரையாடல் நடைபெற்றது. இன்றைய சந்திப்பு, அந்தக் கலந்துரையாடலின் தொடர்ச்சியாகவே திட்டமிடப்பட்டுள்ளது.
எனினும், இச்சந்திப்பின் நோக்கம் எதிர்க்கட்சிகளிடையே ஒற்றுமையை உருவாக்குவது மட்டுமே என்றும், தற்போது அரசாங்கத்தை எதிர்ப்பதற்கான கூட்டணியை உருவாக்குவது இதன் உடனடி நோக்கம் அல்ல என்றும் எதிர்க்கட்சி அரசியல் பிரதிநிதிகள் தெளிவுபடுத்தியுள்ளனர்.
