சட்டம் ஒழுங்கை நிலைநாட்டுவதற்கும், அரசியல் தலையீடுகள் இன்றி பொலிஸார் சுயாதீனமாக செயற்படுவதை உறுதி செய்வதற்கும் விரைவான நடவடிக்கைகளை எடுக்க எதிர்பார்ப்பதாக பொது பாதுகாப்பு அமைச்சர் விஜித ஹேரத் தெரிவித்துள்ளார்.
பொது பாதுகாப்பு அமைச்சராக விஜித ஹேரத் இன்று உத்தியோகபூர்வமாக பதவியேற்றார். இதன்போது ஊடகங்களுக்கு கருத்து வெளியிட்ட அவர்,
தொடர்ந்தும் கருத்து வெளியிட்ட அவர்,
தற்போது அமைச்சு எதிர்நோக்கும் மிக அழுத்தமான பிரச்சினை கடவுச்சீட்டுகளை வழங்குவதாகும். கடவுச்சீட்டு பிரச்னைக்கு தீர்வு காண ஏற்கனவே நடவடிக்கை எடுக்கப்பட்டுள்ளது.
“கடவுச்சீட்டு வரிசைகளை முடிந்தவரை அகற்றுவது குறித்து ஆலோசிக்கப்பட்டு வருகிறது. புதிய கடவுச்சீட்டு முறை அக்டோபர் 15 மற்றும் 20ஆம் திகதிக்குள் அறிமுகப்படுத்தப்படும்.
அதற்குள் இந்த பிரச்சினைக்கு தீர்வு காணப்படும்.
இதனிடையே, பொலிஸார் மீது பொதுமக்களின் நம்பிக்கை குறைந்து வருவதை ஒப்புக்கொண்ட ஹேரத், அந்த நம்பிக்கையை மீட்டெடுப்பதன் முக்கியத்துவத்தை வலியுறுத்தினார்.
“புதிய அமைச்சர் என்ற முறையில், எனது செயலாளர் மற்றும் சிரேஷ்ட பொலிஸ் அதிகாரிகளுடன் சேர்ந்து, பொதுமக்கள் இலங்கை பொலிஸில் நம்பிக்கை வைப்பதை உறுதிசெய்யும் பொறுப்பை நாங்கள் ஏற்றுக்கொள்கிறோம்.
நம்பிக்கையை மீளக் கட்டியெழுப்புவதற்கு கால அவகாசம் எடுக்கும் என்பதை நான் அறிவேன்,” என்று அமைச்சர் கூறியிருந்தார்.
சட்டம் மற்றும் ஒழுங்கை அமுல்படுத்துவதில் இதற்கு முன்னர் ஏதேனும் தவறுகள் இடம்பெற்றிருந்தால் அவற்றை நிவர்த்தி செய்யுமாறு உயர் பொலிஸ் அதிகாரிகளை அமைச்சர் வலியுறுத்தினார்.
சட்டம் ஒழுங்கை நிலைநாட்டும் போது இதற்கு முன்னர் ஏதேனும் தவறுகள் இருந்திருந்தால் அதனை திருத்திக் கொள்ளுமாறு உயர் பொலிஸ் அதிகாரிகளை அமைச்சர் வலியுறுத்தினார்.
“சட்டம் ஒழுங்கை நிலைநிறுத்துவதில் அதிகாரிகளுக்கு சுதந்திரமாக செயல்பட சுதந்திரம் தருகிறேன். அரசியல் தலையீடுகள் இருக்கக்கூடாது.
எங்கள் அரசாங்க அமைச்சர்கள் மற்றும் நாடாளுமன்ற உறுப்பினர்கள் பொலிஸாரை தொடர்பு கொள்ள மாட்டார்கள் என்று நாங்கள் உத்தரவாதம் அளிக்கிறோம்,” என்று அவர் மேலும் தெரிவித்துள்ளார்.
