போதைப்பொருள் ஒழிப்புக்கான 24 மணி நேர Hotline: ‘1818’ அறிமுகம்
புதிய நடவடிக்கை: போதைப்பொருள் அச்சுறுத்தலை ஒழிப்பதற்காக, ‘முழு நாடுமே ஒன்றாக’ தேசிய நடவடிக்கையுடன் இணைந்து 24 மணித்தியாலமும் இயங்கும் துரித தொலைபேசி இலக்கத்தை தொலைத்தொடர்புகள் ஒழுங்குபடுத்தும் ஆணைக்குழு (TRC) அறிமுகப்படுத்தியுள்ளது.
முக்கிய சிறப்பம்சங்கள் (Key Highlights):
உடன் தொடர்பு துரித இலக்கம் (Hotline) : 1818
அறிமுகம்: ‘முழு நாடுமே ஒன்றாக’ தேசிய செயற்பாட்டு சபையின் வேண்டுகோளுக்கு இணங்க இந்த இலக்கம் அறிமுகப்படுத்தப்பட்டுள்ளது.
பயன்பாடு: பொதுமக்கள் இந்த துரித இலக்கத்தின் மூலம் நாடு முழுவதும் இடம்பெறும் போதைப்பொருள் வர்த்தகம், விநியோகம் அல்லது அது தொடர்பான சந்தேகத்திற்கிடமான நடவடிக்கைகள் குறித்து சரியான தகவல்களை வழங்க முடியும்.
செயற்பாடு: இந்தச் சேவை 24 மணி நேரமும் தொடர்ந்து செயற்படும்.
நோக்கம்: போதைப்பொருள் அச்சுறுத்தலுக்கு எதிராக மக்கள் பங்களிப்புடன் கூடிய தேசிய நடவடிக்கைக்கு வலுவூட்டுவது இதன் முக்கிய நோக்கமாகும்.
பொதுமக்கள் இப்போது 1818 என்ற இலக்கத்துக்கு அழைத்து போதைப்பொருள் தொடர்பான இரகசியத் தகவல்களை தெரிவிக்கலாம்.
