மண்முனை தென் எருவில் பற்று பிரதேச சபைக்குட்பட்ட பிரதான வீதியை அண்டிய பல வீதிகளில் பொறுப்பற்ற விதத்தில் சிலர் கழிவுகளை வீசி வருவதாக பொதுமக்களும்,சுகாதார ஆர்வலர்களும் விசனம் தெரிவிக்கின்றனர்.
மண்முனை தென் எருவில் பற்று பிரதேச சபைக்குட்பட்ட மட்டக்களப்பு கல்முனை பிரதான வீதியின் இரு மருங்கிலும் கழிவுகள் இவ்வாறு பிளாஸ்டிக், கண்ணாடி போத்தல்கள், விலங்கு கழிவுகள் போன்றவற்றை வீசி வருகின்றனர்.
குறிப்பாக குருக்கள்மடம், பெரிய கல்லாறு, துறைநீலாவணை போன்ற பல கிராமங்களினை ஊடறுத்து செல்லும் வீதிகளின் இருமருங்கிலும் இவ்வாறு கழிவுகள் கொட்டப்பட்டு வருவதாகவும் சுகாதார ஆர்வலர்களும், சுற்றாடல் துறை சார்ந்தவர்களும் தெரிவிக்கின்றனர்.
இவ்வாறான கழிவுகள் தொடர்ந்து வீசப்படுவதனால் நீரேந்து பகுதியில் துர்நாற்றம் வீசுவதோடு,வீதியை பயன்படுத்துவதனால் பல்வேறு நோய்கள் உருவாகும் சாத்திய கூறுகள் காணப்படுவதாக பொது மக்கள் கவலை தெரிவிக்கின்றனர்.
